सौ. सुवर्णा खांडगेपाटील

नवी मुंबई : महाराष्ट्राचे माजी मुख्यमंत्री व विधानसभेतील विरोधी पक्षनेते देवेंद्र फडणवीस यांच्या वाढदिवसानिमित्त सानपाडा प्रभाग ७६ मध्ये भाजपच्या वतीने ज्येष्ठ नागरिकांकरिता मोफत छत्री वाटपाचा कार्यक्रम आयोजित करण्यात आला होता. सानपाड्यातील स्थानिक भाजपा नेते पांडूरंग आमले यांनी हा कार्यक्रम आयोजित केला होता.

प्रभाग ७६, सानपाडा सेक्टर ८ परिसरातील स्नेहबधन को. ऑप हौसिंग सोसायटीत या  कार्यक्रमाचे आयोजन करण्यात आले होते. वार्ड क्रमांक ७६ मधील व सेक्टर ३ मधील स्नेहबधन सोसायटी, निवारा सोसायटी, हिमगिरी सोसायटी व गुरुकृपा सोसायटी येथील सर्व जेष्ठ नागरिकांना समाजसेवक पांडुरंग आमले यांच्या मार्फत जेष्ठ नागरिकांना मोफत छत्र्याचे वाटप करण्यात आले. भारत सरकारने कोविड-१९ करावयाच्या उपाययोजना अंर्तगत घालून दिलेल्या नियमांचे पालन करून जेष्ठ नागरिकांना छत्री वाटप करण्यात आले. त्या वेळी भाजपाच्या सौ. आज्ञा गव्हाणे, सौ. निता आंग्रे, पंकज दळवी, सुरेशभाऊ पडवळ, विश्वास कणसे,  समाजसेवक गणेश कमळे, विशेष कार्यकारी अधिकारी/विभाग अध्यक्ष राजश्री गणेश कमळे व रमेश शेट्टे  उपस्थित होते.  तसेच संस्थेचे पदाधिकारी जयवंत चव्हाण, प्रसाद मोकल व संस्था सभासद  अब्दुल जब्बार, निलेश नाईक, साटम,  सोमा घाडीगांवकर,  भिकू मांडके, पिनु पैठणकर,  वसंत अग्रहरी, मितेश ठाकूर, श्रीमती द्वारका खडांरे,  ज्योती ठाकुर यांनी सहकार्य केले. या कार्यक्रमात स्थानिक रहीवाशी मोठ्या संख्येने सहभागी झाले होते.