४०,४१२ एकूण रुग्ण तर ७९५ जणांचा आतापर्यंत मृत्यू

 २४ तासात ४८१ नवे रुग्ण तर १० जणांचा मृत्यू

 २४ तासांत ५०८ रुग्णांना डिस्चार्ज

कल्याण : कल्याण डोंबिवली महानगरपालिका क्षेत्रात कोरोना रुग्णांची संख्या ४० हजार पार गेली असून गुरुवारी नव्या ४८१ कोरोना रुग्णांची नोंद करण्यात आली आहे. तर १० जणांचा मृत्यू झाला असून गेल्या २४ तासांत ५०८ रुग्णांना डिस्चार्ज देण्यात आला आहे.

गुरूवारच्या या ४८१ रूग्णांमुळे पालिका क्षेत्रातील रुग्णांची एकूण संख्या ४०,४१२ झाली आहे. यामध्ये ४७३६ रुग्ण उपचार घेत असून ३४,८८१  रूग्णांना डिस्चार्ज देण्यात आला आहे. तर आतापर्यत ७९५ जणांचा कोरोनामुळे मृत्यू झाला आहे. आजच्या ४८१ रूग्णांमध्ये कल्याण पूर्व- ५१, कल्याण प – १५६, डोंबिवली पूर्व १५९, डोंबिवली प- ८३, मांडा टिटवाळा – १९, मोहना -१२, तर पिसवली येथील १ रुग्णांचा समावेश आहे. 

डिस्चार्ज झालेल्या रूग्णांपैकी १२१ रुग्ण हे टाटा आमंत्रामधून, १८ रुग्ण वै.ह.भ.प. सावळाराम महाराज क्रीडा संकुलमधून,  ११ रुग्ण बाज आर. आर. रुग्णालय,  ११ रुग्ण पाटीदार कोविड केअर सेंटरमधून, २ रुग्ण डोंबिवली जिमखाना कोविड सेंटर येथून, ३ रुग्ण शास्त्रीनगर रुग्णालयातून डिस्चार्ज झाले आहेत. तर उर्वरित रुग्ण हे इतर रूग्णालयामधून तसेच होम आयसोलेशन मधून बरे झालेले आहेत.